Dua ploh nam nopember dua ribee limoeng
Bumoe di ranggoeng seubab ie raya
Diteuka kayee meuguloeng-guloeng
Abeh dum gampoeng meuregang nyawa
Aceh mulia jinoe meurawoeng
Rumoh lam gampoeng rusak ubeena
Ujen jiteuka ruwah lam gampoeng
Lajue mekupoeng jalan teuplah dua
Jinoe hana le boh dalam oen
Abeh meuhimpoen lam donya raya
Dari bak keupula sampoe bak ramboeng
Mandum meupuroen di ba le ie raya
Padum keuh bala yang kamoe tanggoeng
Dum rumoh panggoeng hancoe meugura
Abeh ubeena duem harta geupuroen
Hana teukira nyawoeng kelua
Ouw ya Allah Tuhan eu Rabbon
Bak bala phoen kamoe ka trauma
Lheuh diteuka le tsunami raya
Jinoe troeh bala bumoe meuguloeng
Ya Allah Tuhan yang pengampoen
Kamoe ka meuphoem pakoen diteuka bala
Demi keu harta tuwoe keu kawoem
Seolah nyawoeng yum hana seberapa
Deungoen tsunami leubeh brat nyoe lom
Rakyat meuhimpoen lam tenda raya
Cuma ie mata peungobat luka
Harap Rabbana peupuleh Gampoeng
Nyoe keuh oh noe haba lon himpoen
Bek le na gampoeng yang hancoe meurana
Bek le aneuk ngoen ma meuranggoeng
Lam ie meuguloeng meuregang nyawa
Jaroe dua blah jinoe lon himpoen
Ka abeh santoen uloen calitra
Ta jalin dana deungoen tenaga
Demi sanak syedara bek le meuranggoeng
